کراچی(اسپورٹس رپورٹر)سابق کپتان وسیم اکرم نے کہا ہے کہ لنکا پریمیئر لیگ میں شامل ہونے پر خوشی ہے کیونکہ گزشتہ دو تین سال میں لنکا پریمیئر لیگ نے سری لنکامیں کرکٹ کے فروغ کیلئے اہم کردار ادا کیا ۔ان خیالات کا اظہار پاکستان ٹیم کے سابق کپتان وسیم اکرم نے اپنے ویڈیو بیان میں کیا ۔انہوںنے کہا کہ سر ی لنکا میں کرکٹ کے فروغ کیلئے لنکا پریمئر لیگ کا کردار اہم ہے اور لیگ کے انعقاد کیلئے میں آئی پی جی اور سری لنکن کرکٹ بورڈ کو مبارکباد دیتا ہوں۔ بہت جلد سری لنکا جا رہا ہوں جہاں جاری لنکا پریمیر لیگ میں شمولیت اختیار کروں گا اور کرکٹ کے اس یادگار ایونٹ میں سری لنکن عوام کیساتھ رہوں گا ۔ لنکا پریمئر لیگ سری لنکن عوام کے توقعات پر پورے اتریگی کیونکہ سری لنکن عوام کرکٹ کی بہت بڑی مداح ہے اور کثیر تعداد میں شائقین کرکٹ وہاں موجود ہے ۔