کراچی(نیوزرپورٹر) جنرل مینیجر پی آئی اے و صوبائی کمشنر سید قمر مقبول نے کہا ہے کہ اسکاﺅٹس کی سماجی سرگرمیوں کو قومی سطح پر جدید تقاضوں کے مطابق مزید دلچسپ اور فعال کیا جائے۔ نوجوان نسل کو اعلےٰ تربیتی معیار فراہم کیا جائے تاکہ بہتر معاشرہ اور بہتر نسل کی تشکیل کیلئے کام کیا جائے۔آیئے ہم انسانی فلاح و بہبود کے اس مقدس فریضہ کی ابتدا اسکاﺅٹنگ کے نصب العین کے جذبے سے کریں۔ سابق صوبائی کمشنر قمر شمیم نے کہا ہے کہ عالمگیر اسکاﺅٹ تحریک میں مذہب اسلام کو بنیادی اہمیت حاصل ہے ۔اسکاﺅٹس کی تربیت اسلامی اصولوں کی عکاسی کرتی ہے ۔اسکاﺅٹنگ حقوق اﷲ اور حقوق العباد کی روح اور جسم و جان ہے ۔ایک اچھا اسکاﺅٹ ایک اچھا مسلمان اور ہمدرد ثابت ہوتا ہے۔ اسکاﺅٹ اچھے اخلاق اور اچھے کردار کا نمونہ ثابت ہوتا ہے۔ یہ بات انہوں نے پی آئی اے اسکاﺅٹس صوبائی ہیڈ کوارٹرزپر صوبائی کونسل کوارڈ ینشن میٹنگ میںکہی۔اجلاس میںقائم مقام صوبائی سیکرٹری محمد طارق انصاری ، قائم مقام صوبائی ٹریزرازنبیل رزاق ِ،سیکرٹری پروجیکٹ عبدالقیوم خان ودیگر عہدیداران کی شرکت۔ صوبائی ترجمان کے مطابق ملک بھر میں کراچی ،کوئٹہ،ملتان،فیصل آباد ،لاہور،اسلام آباد اور پشاور میں قائم ڈسٹرکٹ ہیڈ کوارٹرز پر سماجی سرگرمیوں میں اسکاﺅٹس کی شمولیت ودیگر اسکاﺅٹس سر گرمیوں کو مذید تیز کرنے کےلئے حالیہ اقدامات سے اگاہ کیاگیا۔
کمشنر سید قمر مقبول