کلرسیداں(نامہ نگار)سمندر پار پاکستانیوں کو لوٹنے والے گروہ نے روات کلر روڈ پر ڈڈیال آزادکشمیر جاتی فیملی کو لوٹ لیا اور فرار ہو گئے ۔ڈڈیال ضلع میرپور آزادکشمیر کے رہائشی محمد عدیل حسین برطانیہ سے آنے والی اپنی پاکستانی نژاد بہو کو اپنی گاڑی میں اسلام آباد ایئرپورٹ سے ڈڈیال لے کر جارہے تھے کہ روات کلرسیداں روڈ پر رات بارہ بجے کے قریب عقب سے آنے والی سوزوکی برنگ گرے/ بلیو نمبر ALZ-704 میں سوار تین افراد نے انہیں روک کراسلحہ تان لیا اور فوری طور پر طلائی زیورات حوالے کرنے کا حکم دیا اور پھر مسلح ملزمان نے برطانیہ سے آنے والی خاتون سے 12 تولے طلائی زیورات چھین کر فرار ہوگئے متاثرہ خاندان کے مطابق ملزمان کی عمریں 30 سے 40 سال کے درمیان تھیں جنہیں سامنے آنے پر شناخت کرسکتے ہیں۔ذرائع کے مطابق روات پولیس نے واقعہ کا مقدمہ بجرم392ت پ درج کرکے ملزمان کی تلاش شروع کردی۔یاد رہے کہ روات کلرسیداں روڈ پر روات اور کلرسیداں پولیس کے علاؤہ پنجاب ہائی وے پٹرولنگ پولیس چوکپنڈوری بھی گشت کرتی ہیں اس کے باوجود سمندر پار پاکستانی مسلسل لٹتے چلے جا رہے ہیں۔