امریکہ: طوفانی بارش، بگولوں سے تباہی، 6 افراد ہلاک، 23 زخمی

نیویارک + واشنگٹن (نوائے وقت رپورٹ + این این آئی) امریکی ریاست ٹینیسی میں طوفانی بارش اور بگولوں نے تباہی مچا دی، جس کے نتیجے میں کم از کم 6  افراد ہلاک جبکہ 23 افراد زخمی ہو گئے۔ امریکی میڈیا کے مطابق طوفانی بگولوں کے باعث ریاست ٹینیسی میں بڑے پیمانے پر املاک کو بھی نقصان پہنچا اور وسطی علاقوں میں80 ہزار کے قریب گھرانے بجلی سے محروم ہو گئے۔ ریاست ٹینیسی کی کانٹی منٹگمری کے میئر نے طوفانی بگولوں کے باعث ہونے والے جانی و مالی نقصان پر افسوس کا اظہار کیا۔ حکام نے کانٹی منٹگمری کے عوام سے اپیل کی ہے کہ سڑکوں سے دور رہیں کیونکہ مختلف مقامات پر ایمرجنسی کارروائیاں جاری ہیں۔ موسمی صورتحال کراس کنٹری سسٹم کا حصہ ہے جس سے جنوب میں شدید گرج چمک‘ تیز ہوا اور بگولوں کا امکان ہے۔ طوفان تقریباً دو سال بعد آئے ہیں‘ نیشنل ویدر سروس نے مٹھی بھر ریاستوں میں 41 طوفان ریکارڈ کئے۔ مینٹینیسی میں 16 اور کینٹکی میں آٹھ شامل ہیں۔