لاکھوں کی وارداتیں‘ کئی راہگیر فیملیز لٹ گئیں‘ کاریں‘ موٹر سائیکلیں چوری

لاہور (نامہ نگار) ڈاکوؤں اور چوروں نے متعدد  شہریوں سے لاکھوں روپے مالیت کی نقدی، طلائی زیورات، موبائل فون، موٹر سائیکلیں، گاڑیاں اور دیگر سامان لوٹ لیا۔ تفصیلات کے مطابق ڈاکوؤں نے گرین ٹاؤن کے علاقے میں احمد اور اس کی فیملی کو یرغمال بنا کر5 لاکھ 98 ہزار روپے مالیت کی نقدی، طلائی زیورات اور موبائل فون، کوٹ لکھپت میں فرید سے 4 لاکھ روپے اور موبائل فون، ہنجروال میں احسن سے 3 لاکھ 10 ہزار روپے اور موبائل فون، سندر کے علاقے میں عمران سے 2 لاکھ روپے اور موبائل فون، مانگا منڈی کے علاقے میں نصیر سے 2 لاکھ 10 ہزار روپے اور موبائل فون، شاہدرہ میں امجد سے ڈھائی لاکھ روپے اور موبائل فون، شفیق آباد کے علاقے میں جمیل سے ایک لاکھ 90 ہزار روپے اور موبائل فون، برکی میں سیف سے ایک لاکھ نقدی اور موبائل فون، برکی کے علاقے میں مقصود سے66ہزار روپے اور موبائل فون، قائد اعظم انڈسٹریل سٹیٹ کے علاقے میں طاہر 31 ہزار روپے اور موبائل فون، ریس کورس کے علاقے میں اشفاق سے 17 ہزار روپے اور موبائل فون لوٹ لیا۔ چوروں نے نصیرآباد، راوی روڈ اور ساندہ کے علاقوں میں سے 3 کاریں جبکہ مانگا منڈی، اقبال ٹاؤن، مزنگ، لوئر مال، شیراکوٹ، فیکٹری ایریا، سندر اور اچھرہ کے علاقوں میں سے 8 موٹر سائیکلیں چوری کر لیں۔