ملتان (نوائے وقت رپورٹ) کباڑ کے گودام میں دھماکے سے 10 سالہ بچہ جاں بحق ہو گیا اور خاتون سمیت 3 افراد زخمی ہو گئے۔ تفصیلات کے مطابق واقعہ مطابق ملتان کے علاقہ کائیاں پور چوک کے قریب ہوا۔ دھماکے کے نتیجے میں 10 سال کا بچہ جاں بحق اور خاتون سمیت تین افراد زخمی ہو گئے۔ پولیس کی ابتدائی تحقیقات کے مطابق بچے نے کھیلتے ہوئی کسی چیز کو ضرب لگائی تو دھماکا ہو گیا جبکہ بچے کا والد عارف کباڑ کا کام کرتا ہے وہ بھی شدید زخمی ہے۔