پاکستان شوبز انڈسٹری کی سینئر ادا کارہ جویریہ سعود قاسمی نے پوڈ کاسٹ اور ٹی وی چینلز پر انٹرویو نہ دینے کی وجہ بتادی۔جویریہ سعود نے انسٹاگرام پر اپنی ایک تصویر کے ساتھ پوسٹ شیئر کی جس میں انہوں نے مداحوں کو انٹرویو نہ دینے کے حوالے سے بتایا۔جویریہ سعود نے انسٹاگرام پر اپنی تصویر شیئر کرتے ہوئے پوڈکاسٹس سمیت دیگر پلیٹ فارمز پر مفت انٹرویوز نہ دینے سے متعلق وضاحت کی۔اداکارہ نے انٹرویوز کے لیے ان سے پوچھنے والے افراد کو مخاطب ہوتے ہوئے لکھا کہ ان کا اپنے تمام دوستوں اور انٹرویوز کے لیے درخواست کرنے والوں کے لیے بھی یہی جواب ہے کہ وہ مفت میں انٹرویوز نہیں دے سکتیں۔انہوں نے لکھا کہ وہ مفت میں انٹرویوز دینے کے بجائے اپنے اہل خانہ کے ساتھ وقت گزارنے اور اسکرپٹ لکھنے کو زیادہ ترجیح دیں گی۔جویریہ سعود نے دلیل دی کہ چوں کہ ڈیجیٹل میڈیا کانٹینٹ کریئیٹرز اپنے مواد اور چینلز کو مونیٹائز کرکے پیسے کماتے ہیں. اس لیے وہ ان کے ساتھ معاوضے کی ادائیگی کے تحت ہی کام کر سکیں گی جو کہ ان کا حق بھی ہے۔انہوں نے مزید واضح کیا کہ وہ اپنے مداحوں کے سوالوں کے جوابات اپنے یوٹیوب چینلز پر دیتی ہیں اور ان کے لیے وہیں پر مواد بھی شیئر کرتی ہیں. انہیں مفت میں پوڈکاسٹس میں جانے کا شوق نہیں۔جویریہ سعود نے اپنی پوسٹ میں یہ واضح نہیں کیا کہ انہیں کس پوڈکاسٹ یا ٹی وی میزبان نے بلامعاوضہ شو میں آنے کی درخواست کی. تاہم انہوں نے تمام میزبانوں اور کانٹینٹ کریئیٹرز کو مخاطب ہوتے ہوئے لکھا کہ وہ مفت میں انٹرویوز نہیں دے سکتیں۔
ان کی پوسٹ پر مداحوں اور سوشل میڈیا صارفین نے کمنٹس لکھتے ہوئے ان کی بات سے اتفاق کیا اور لکھا کہ وہ درست کہ رہی ہیں۔ساتھ ہی مداحوں اور صارفین نے ان سے حال ہی میں اختتام پذیر ہونے والے ڈرامے ’بے بی باجی 2‘ کا تیسرا سیزن بھی بنانے کا مطالبہ کیا۔اداکارہ نے لکھا کہ ہرکوئی مجھ سے پوڈ کاسٹ اور انٹرویوز کے بارے میں پوچھ رہا ہے جن کے لیے میرا جواب یہ ہے کہ میں مفت انٹرویو دینے کے بجائے اپنی فیملی کے ساتھ وقت گزارنے یا اسکرپٹ لکھنے کو ترجیح دیتی ہوں۔انہوں نے لکھا کہ ڈیجیٹل تخلیق کار اپنے مواد کو مونوٹائز کرتے ہیں. اس لیے میں معاوضہ لے کر کام کرنا چاہوں گی۔ادا کارہ کا کہنا تھا کہ میں اپنے یوٹیوب چینل پر مداحوں سے بات کرتی ہوں اور وہاں ان کے سوالات کے جوابات بھی دیتی ہیں۔