شہر قائد لہو لہو، خون کے پیاسوں کو آج بھی چین نہ آیا، روشنیوں کے شہر میں کئی گھرانوں کے چراغ گل کردیئے. کراچی کے علاقے لانڈھی شیر پاؤ کالونی میں نامعلوم مسلح موٹر سائیکل سواروں کی فائرنگ سے اے ایس آئی جاں بحق ہوگیا، پولیس کے مطابق اے ایس آئی ذولفقار اپنے گھر سے ڈیوٹی پرجارہے تھے کہ شیر پاؤکالونی کے قریب نامعلوم افراد نے فائرنگ کرکے انہیں قتل کردیا، مقتول اے ایس آئی لانڈھی قائد آباد تھانہ میں تعینات تھے، دوسری جانب سچل کے علاقے عباس ٹاون میں واقع کچرا کنڈی سے دو افراد کی لاشیں برآمد ہوئیں پولیس کے مطابق مقتولین کو تشدد کے بعد گولیاں مارکر قتل کیا گیا تاہم لاشوں کی شناخت تاحال نہیں ہوسکی، بن قاسم ٹاون میں واقع نصیر آباد میں فائرنگ سے پچیس سالہ عمر جاں بحق ہوگیا جبکہ کھارادر بانٹوا گلی میں فائرنگ سے دو افراد شدید زخمی ہوگئے جنہیں طبی امداد کے لیے سول ہسپتال کراچی منتقل کردیا گیا جہاں فائرنگ کا ایک زخمی دوران علاج دم توڑ گیا مقتول کی شناخت محمد عمر کے نام سے کرلی گئی ہے۔