کراچی ٹارگیٹڈ آپریشن جاری، عسکری ونگ اور گینگ وار کے کارندے گرفتار

کراچی( کرائم رپورٹر) رینجرز کی کراچی کے مختلف علاقوںمیں کارروائی چھ ملزمان کو گرفتار کرکے اسلحہ او رایمونیشن برآمد کرلیا۔ پاکستان رینجرز سندھ کے ترجمان کے مطابق ملزمان کی گرفتار گڈاپ اورنگی اور سٹی ٹاﺅن سے عمل میں آئی ۔ ملزمان میں سے دو لیاری گینگ وار کے کارندے جب کہ ایک کا تعلق سیاسی جماعت کے عسکری ونگ اور ایک کا تعلق کالعدم تنظیم سے ہے ۔ علاوہ ازیں سائٹ کے علاقوں باوانی چالی میںپولیس کی کارروائی تین ٹارگٹ کلرز کو گرفتار کرکے دو پستول اور دو دستی بم برآمد کرلئے۔ پولیس کے مطابق ملزمان محمد حنیف عرف شعیب، محمود عرف منا اور طارق عرف چمبر ٹارگٹ کلنگ کی متعدد وارداتوں میں ملوث ہیں ۔ سعید آباد پولیس نے چار ملزمان کو گرفتار کرکے ان کے قبضے سے نقب زنی کے آلات برآمد کرلئے۔ پولیس کے مطابق ملزما ن ابو بکر، محمد علی ، رضوان او ردانش پردکانوں کے تالے توڑ کر وارداتیں کرنے کا شبہ ہے او راس بارے میں ان سے تفتیش کی جارہی ہے۔
گینگ وار/کارندے گرفتار