سنگا پور(صباح نیوز) نئے چینی سا ل کی آمدپر سنگاپور میں بھی اس حوالے سے جشن عروج پر ہے، سڑکوں کو رنگ برنگی دیوہیکل لالٹینوں سے سجا دیا گیا۔ غیرملکی خبررساں ادارے کے مطابق نئے چینی سال کی آمد کے سلسلے میں سنگاپورکی کئی سڑکوں اور شاہراہوں کو رنگا رنگ دیوہیکل لالٹینوں سے سجا یا گیا جو رات کے وقت روشنی میں دلفریب منظر پیش کرتی دکھائی دیتی ہیں۔ روشنیوں سے سجی یہ دیوہیکل لالٹینیں سڑک سے گزرنے والے افراد کی توجہ کا مرکز بن رہی ہیں۔ لائٹوں کو روشن کرنے کی افتتاحی تقریب میں آتش بازی کا بھی شاندار مظاہرہ کیا گیا جس سے فضا جگمگا اٹھی۔