اسلام آباد ( نامہ نگار) ایف جی کالجز کے مشترکہ ہفتہ تقریبات کی آخری تقریب ماڈل کالج جی ٹین فور میں منعقد ہوئی۔ مہمان خصوصی معروف گلوکار جہانگیز نیازی جبکہ صدارت پرنسپل کالج پروفیسر صالحہ جبین نے کی منصفین کے فرائض مبشرہ حفیظ اور لئیق گرمانی نے انجام دیئے مقابلے میں دس کالجز کی طالبات نے حصہ لیا لوک گیت کے مقابلے میں میزبان کالج نے مشہور گانے ’’ بابل میریاں گڈیاں تیرے گھر رہ گئیاں ‘‘ پر لاجواب پرفارمنس پیش کی جس کے دوران اساتذہ اور طالبات کی آنکھیں اشک بار ہو گئیںاس پرفارمنس میں دلہن کی رخصتی اور اس کا اپنے والدین اور بھائی بہنوں سے ملنے کے الوداعی منظر نے شرکاء کو سحر میں مبتلا کر دیا۔ غزل گائیکی میں حدثہ یاد مارگلہ کالج ایف سیون فورپرستش ماڈل کالج آئی ایٹ تھری بینش مشتاق ایف جی کشمیر روڈ او ر مہراب دلاور ماڈل کالج آئی ٹین فور نے بالترتیب اول دوم سوم اور انعام حوصلہ افزائی حاصل کیا۔ لوک گیت میں کنزا اینڈ گروپ ماڈل کالج آئی ایٹ فور، کائنات اینڈ گروپ ماڈل کالج ہمک ربیعہ اینڈ گروپ میزبان کالج نے اول دوم سوم پوزیشن حاصل کی۔ ٹرافی کا حقدار ماڈل کالج تھری قرار پایا۔ اختتام پر پرنسپل کالج نے مہمان خصوصی کے ہمراہ طالبات میں انعامات اور منصفین میں کالج کی شیلڈ پیش کیں۔