مقبوضہ کشمیر:محمد مقبول بٹ کے یوم شہادت پرآج مکمل ہڑتال

مقبوضہ کشمیرمیں معروف کشمیری حریت رہنما محمد مقبول بٹ کے36ویں یوم شہادت پرآج مقبوضہ علاقے میں مکمل ہڑتال ہے۔ ہڑتال کی اپیل کل جماعتی حریت کانفرنس کے چیئرمین سید علی گیلانی ، میر واعظ عمر فاروق کے زیرقیادت حریت فورم ، جموں و کشمیر لبریشن فرنٹ اور دیگر حریت رہنماؤں اور تنظیموں نے کی ہے۔ بھارت نے محمد مقبول بٹ کو 11فروری1984ء کو نئی دلی کی تہاڑ جیل میں پھانسی دیکر انکی میت جیل کے احاطے میں ہی دفن کر دی تھی۔ قابض انتظامیہ نے آج مقبول بٹ کے یوم شہادت کی برسی کے سلسلے میں بھارت مخالف احتجاجی مظاہرے روکنے کیلئے سیکورٹی کے نام پر سخت پابندیاں نافذ کردی ہیں۔