سعودی عرب : الربع الخالی صحراء میں لاپتہ شہری مل گئے

سعودی عرب کے معروف وسیع و عریض صحراءالربع الخالی میں لاپتہ ہو جانے والے دو شہری مملکت کے مشرقی علاقے البطحاءمیں مل گئے۔میڈیاپورٹس کے مطابق مملکت کے مشرقی صوبے الشرقیہ میں سرحدی محافظین کی کمان کے میڈیا ترجمان میجر عمر الایلبی کے مطابق دمام شہر میں سرچ اینڈ ریسکیو کوآرڈی نیشن سینٹر (ڈی ایم آر سی سی ) کو البطحاءکے علاقے میں کمانڈ اینڈ کنٹرول روم سے ایک اطلاع موصول ہوئی تھی۔ اس اطلاع میں ایک شہری نے مطالبہ کیا تھا کہ اس کے والد اور چچا کو تلاش کیا جائے۔ دونوں افراد عمر رسیدہ ہیں اور انہیں صحت کے حوالے سے بھی مسائل کا سامنا ہے۔ شہری کے مطابق دونوں افراد کی گاڑی الربع الخالی صحراءمیں مغربی جانب 20 کلو میٹر اندر ریت کے ٹیلوں میں پھنس گئی۔ اس کے بعد سے دونوں افراد کے ساتھ کوئی رابطہ نہیں ہے۔میجر الاکلبی نے مزید بتایا کہ اطلاع ملتے ہی البطحاءمیں سرحدی محافظین کے تین دستوں کو مذکورہ دونوں لاپتہ افراد کی تلاش کا مشن سونپ دیا گیا۔ دستوں کے ہمراہ ایک ایمبولینس کی گاڑی بھی تھی۔ اللہ کے فضل سے پیر کے روز دونوں افراد مل گئے۔ ان میں ایک شخص ریت میں پھنسی گاڑی کے پاس ہی موجود تھا جب کہ دوسرا شخص گاڑی سے 12 کلو میٹر کی دوری پر پایا گیا۔ دونوں افراد کی صحت بہتر ہے۔ گاڑی کو صحراءسے نکال لیا گیا اور دونوں افراد کو قریب ہی واقع طبی مرکز منتقل کر دیا گیا۔مشرقی صوبے میں سرحدی محافظین کی کمان کے میڈیا ترجمان نے خشکی کے علاقوں میں سیر و تفریح کرنے والے اور وہاں سے گزرنے والے تمام افراد سے مطالبہ کیا کہ وہ اس حوالے سے متعلقہ ہدایات پر پوری طرح عمل کریں۔ ترجمان کے مطابق کسی بھی ہنگامی صورت حال میں مدد حاصل کرنے کے لیے سرحدی محافظین کے ہنگامی نمبر (994) پر رابطہ کریں۔