قومی صحت کے بارے میں معاون خصوصی ڈاکٹر ظفرمرزا اور بیرون ملک مقیم پاکستانیوں کے امور کے بارے میں معاون خصوصی ذوالفقار عباس بخاری نے آج اسلام آباد میں وزیراعظم عمران خان سے ملاقات کی اور پاکستان کو کورونا وائرس سے محفوظ بنانے سے متعلق اقدامات کے بارے میں بریفنگ دی۔
وزیراعظم نے چین خصوصاً ووہان میں مقیم پاکستانی طالب علموں کے بارے میں بھی دریافت کیا۔
وزیراعظم نے سیکرٹری خارجہ کو جواس موقع پرموجود تھے ،ہدایت کی کہ ووہان میں پاکستانی طلبا اور ان کے اہل خانہ سے رابطے میں رہیں اور انہیں اپنے بچوں کی خیریت سے آگاہ رکھیں۔