ٹیسٹ رینکنگ: بابر اعظم کی بیٹنگ اور حسن علی کی بائولنگ میں ترقی

لاہور (نمائندہ سپورٹس)آئی سی سی ٹیسٹ پلیئرز رینکنگ میں قومی ٹیم کے کپتان بابر اعظم کی بیٹنگ اور فاسٹ بائولر حسن علی کی بائولنگ میں ترقی ہوئی ہے۔ انگلینڈ کے کپتان جو روٹ دو درجے  پاکر پانچویں سے تیسرے نمبر پر آگئے ہیں۔نیوزی لینڈ کے کپتان کین ولیمسن کا پہلا اور آسڑیلیا کے سٹیو سمتھ کا دوسرا نمبر ہے جبکہ آسٹریلیا کے مارنس لبوشین چوتھے اور ویرات کوہلی پانچویں نمبر پر آ گئے ہیں۔قومی ٹیم کے کپتان بابر اعظم ایک درجے ترقی کے بعد چھٹے نمبر پر آ گئے ہیں۔بائولنگ میں آسٹریلیا کے پیٹ کمنز کا پہلا اور انگلینڈ کے سٹورٹ براڈ کا دوسرا نمبر برقرار جبکہ انگلینڈ کے جیمز اینڈرسن تیسرے نمبر پر آ گئے ہیں۔ پاکستان کے فاسٹ بائولر حسن علی 21 درجے بہتری کے بعد 32 ویں نمبر پر آ گئے ہیں۔بائولرز کی رینکنگ میں محمد عباس کا 12 واں نمبر ہے جبکہ شاہین آفریدی 4 درجے بہتری کے بعد 30 ویں نمبر پر پہنچ گئے ہیں۔