غلطیاں نہیںدہرانی‘ پی ایس ایل‘جیتیں گے: سہیل اختر

لاہور(نمائندہ سپورٹس)پاکستان سپر لیگ کی فرنچائز لاہور قلندرز کے کپتان سہیل اختر نے کہاہے کہ اس بار لاہور قلندرز کی ٹیم پہلے سے بھی زیادہ مضبوط ٹیم بن کر ابھرے گی، جو پچھلے ایڈیشن میں غلطیاں ہوئیں، اس کو اس ایڈیشن میں دور کرکے ٹائٹل جیتنے کی پوری کوشش کریں گے۔ کرونا کی وجہ سے تیاریاں متاثر ضرور ہوئی ہیں لیکن قلندرز کے ہائی پرفارمنس سنٹر کھلنے سے پلیئرز کو اچھی تیاری کا موقع مل گیا ہے۔ پچھلے ایڈیشن میں جو کمی یا کوتاہی تھی اس کو اس ایڈیشن میں دور کرکے اچھا کھیل پیش کریں گے۔ اس بار قلندرز کی ٹیم پہلے سے بہتر اور مضبوط ٹیم نظر آئے گی۔ قلندرز نے پچھلے سال بھی اچھا کھیلا تھا ، بدقسمتی سے فائنل میں ناکامی ہوئی تھی، اس بار ٹیم میں دو تین تبدیلیاں ہیں ، زیادہ تر وہی پلیئرز ہیں جو پہلے سے کھیلتے آرہے ہیں، ٹیم کامبی نیشن اچھا ہے، نئے پلیئرز بھی جلد ایڈجسٹ ہوجاِئیں گے۔