کامونکے:ڈکیتی مزاحمت پرساتھیوں کی فائرنگ سے ڈاکو شدید زخمی 

کامونکے(نامہ نگار )ڈکیتی کے دوران مزاحمت پرساتھیوں کی فائرنگ سے ڈاکو  شدید زخمی ہوگیا۔گذشتہ رات گھنیاں  پلی پر تین ڈاکوؤں نے محسن ورک نامی نوجوان اور اْسکے دوست طیب احمد کو لوٹنے کی کوشش کی جس پر دونوں نوجوانوں نے مزاحمت کی تو ڈاکوؤں نے فائرنگ کردی جس کے نتیجہ میں انکا اپنا ہی ایک ساتھی ظفر اقبال سکنہ کڑیال ٹانگ میں گولی لگنے سے شدید زخمی ہوگیاباقی دوڈاکو اسے موقع پر چھوڑ کر فرار ہوگئے۔ پولیس نے موقع پر پہنچ کر زخمی ڈاکو ظفر اقبال کو طبی امداد کیلئے سول ہسپتال پہنچایا۔بعدازاں اسے تشویش ناک حالت کے پیش نظر ڈسٹرکٹ ہیڈ کوارٹر ہسپتال گوجرانوالہ منتقل کردیا گیا ہے۔صدر پولیس نے مقدمہ درج کرلیاہے۔