لاہور (سپورٹس رپورٹر ) کراچی کنگز کے کپتان بابر اعظم نے پاکستان سپر لیگ کے دوران بائیں ہاتھ کے پیسر اور ساتھی شاہین آفریدی کا سامنا کرنے کو سنسنی خیز مقابلہ قرار دیتے ہوئے کہا کہ شاہین ہمیشہ اپنی رفتار اور گیند کو دونوں طرف سوئنگ کرنے کی صلاحیت سے بیٹرز کو پریشان کرتے ہیں۔ شاہین تیز رفتاری سے سیکھنے والے ہیں اور اپنی ویری ایشنز کیساتھ اچھی طرح کام کرنے کی صلاحیت رکھتے ہیں۔  شاہین کی تیز رفتار، گیند کو واپس لانے کی صلاحیت اور ویری ایشنز ایک بلے باز کو جانچتی ہیں، اس کے پاس سیکھنے کا جذبہ ہے اور وقت گزرنے کیساتھ ساتھ اس نے نئی چیزیں اپنانے کی غیر معمولی صلاحیت پیدا کی ہے۔