ملتان(نمائندہ خصوصی )ڈائریکٹر جنرل ایم ڈی اے قیصر سلیم کا ایم ڈی اے کے جاری ترقیاتی سکیموں کا جائزہ لینے کے لیے دورہ۔ڈائریکٹر جنرل ایم ڈی اے نے ملتان آرٹس کونسل سے نواں شہر چوک تک ہونے والے ترقیاتی کاموں کا جائزہ لیا۔ اس موقع پر گفتگو کرتے ہوئے کہا کہ کنٹرولڈ روڈز کے مین چوکوں کی کشادگی اور ری ڈیزائننگ کا سلسلہ جاری ہے ایم ڈی اے چوک ماڈل ٹاؤن چوک کی کشادگی کا کام آ خری مراحل میں  ہے۔ انہوں نے ہدایت کی کہ آرٹس کونسل چوک اور نواں شہر چوک کی توسیع کے کام کے اقدامات کو تیز کیا جائے۔۔نواں شہر چوک اور آرٹس کونسل چوک کی  ڈیزائننگ اورتز ئین و آرائش کے لئے سفارشات پر فوری کام شروع کیا جائے۔ نواں شہر چوک کو کھلا کرنے کے لئے چوک پر موجود مسجد کے لئے موزوں متبادل جگہ کا انتخاب کیا جائے۔اس مقصد کے لیے ڈائریکٹر جنرل ایم ڈی اے نے علامہ اقبال پارک کا وزٹ کیا اور مختلف جگہوں کو چیک کیا۔