ملتان(سپیشل رپورٹر)وزیر اعلی سندھ مراد علی شاہ مختصر دورے پر گزشتہ شب ملتان پہنچ گئے۔ وہ خصوصی طیارے سے ملتان ائیر پورٹ پہنچے جہاں سے وہ بلاول ہاؤس گئے اور چئیرمین پاکستان پیپلزپارٹی بلاول بھٹو زرداری سے ملاقات کی۔ اس ملاقات میں اہم امور پر تبادلہ خیال کیا گیا جس کے بعد وزیراعلی سندھ خصوصی طیارے کے ذریعے ملتان سے روانہ ہو گئے۔ ذرائع کے مطابق وزیر اعلی سندھ مراد علی شاہ کا اسسٹنٹ کمشنر سٹی نے ائیر پورٹ پر استقبال کیا۔