گوجرانوالہ(نمائندہ خصوصی)محکمہ سپورٹس گوجرانوالہ اور عمر پہلوان رستم پاک و ہند کے اشتراک سے شیر پنجاب دنگل جناح سٹیڈیم گوجرانوالہ میں منعقد ہوا ‘پنجاب بھر سے نامور پہلوانوں نے بڑے جو ش و خروش سے شرکت کی۔ دنگل میں نامور پہلوانوں کے درمیاں کانٹے دار20 کشتیاں کروائی گئی۔ مہمان خصو صی ڈپٹی کمشنر گوجرانوالہ فیاض احمد موہل تھے ۔ شیر پنجاب دنگل میں ہرجیت سنگھ پہلوان رستم ہند نے کینیڈا سے اور مندیپ سنگھ پہلوان نے اٹلی سے خصوصی شر کت کی۔ پہلا بڑا مقابلہ حشام علی پہلوان گوجرانوالہ چیمپئن پاکستان بمقابلہ علی پہلوان لاڑا رستم بہاولپو ر کے درمیان ہوا جو برابر رہا۔ دوسرا مقابلہ عمر پہلوان گوجرانوالہ چیمپئن پاکستان بمقابلہ گونگا پہلوان لاہوریا چیمپئن پاکستان کے درمیان ہوا۔ عمر پہلان نے لاہوریا پہلوان کو ہرا کر فخر پنجاب کا ٹائٹل جیتا جبکہ تیسرا بڑا مقابلہ محمد عبداللہ پہلوان اور  چھبہ پہلوان لاہوریا کے درمیان ہوا جس میں عبداللہ پہلوان نے اپنے مد مقابل کو ہرا کر ستارہ پنجاب کا ٹائٹل جیتا۔ پہلوانوں میں نقد انعامات‘ شیلڈز‘گرج اور گلدستے پیش  کئے گئے۔