کراچی (اسٹاف رپورٹر )جماعت اہلسنّت پاکستان کراچی کے امیر علامہ شا ہ عبد الحق قادری نے کہا کہ معجزہ معراج حضور پر نو ر ا کا عظیم معجزہ ہے جو سچائی ،حقانیت اور اللہ تعالی کے کمالات کا مظہر ہے۔آپ کو شب معراج میں اللہ تعالیٰ نے انوار و اسرار اور  قرب خاص کا شرف عطا فرمایا۔عقل انسانی اس کے ادراک سے قاصر ہے ۔ انہوں نے جامع میمن مسجد میں جمعہ کو اجتماع سے خطاب میں کہا کہ رب العالمین نے تمام انبیاء کرام کو معجزات عطا فرمائے اور سرکار دو عالم ا کو تمام معجزات کا جامع بنایا ۔ان کا مزید کہنا تھا  کہ حضو ر  ا کا اعزاز ہے کہ شب معراج میں تمام انبیا ء کرام علیہ السلام کی قبلہ اؤل بیت المقدس میں امامت فرما ئی ۔شب معراج حضورنے اپنی آنکھوں سے اللہ کا دیدار کیا اور رحمت عالم کو جتنے بھی معجزے عطا کئے گئے ان میں معجزہ معراج سب سے بڑا ہے ۔ قرآن عظیم میں رب العالمین نے امامِ انبیا حضو ر نبی کر یم ا کی صفا ت اقدس کو خا ص انداز میں پیش کیا اور آپ  ا کو اللہ نے ہد ایت کا رو شن آفتا ب بنا کر مبعو ث فر ما یا۔نیز جما عت اہلسنّت کی اپیل پر جمعہ کے اجتماعات میں ترکیہ ،شام کے زلزلہ متاثرین کیلئے خصوصی دعائیں کی گئیں ۔ ائمہ خطباء نے  متاثرین و زخمیوں کیلئے نیک خواہشات اور ہمدردی کا اظہار کیا۔ان کا کہنا تھا کہ ترکیہ اور شام میں تباہ کن زلزے کے نتیجے میں ہزاروں انسانی جانوں کے ضیاع پر شدید دکھ اور افسوس ہے۔ آزمائش و مشکل وقت میں اپنے مسلمان بھائیوں کی مدد کارِ خیر ہے۔