لاہور(سپورٹس رپورٹر)پاکستان سپر لیگ فرنچائز پشاور زلمی کے صدر انضمام الحق نے کہا ہے کہ ہمیں ایسے کھلاڑی چاہئیں جو جدید کرکٹ کھیل سکیں۔ پی ایس ایل سے کافی اچھے کھلاڑی ملے ہیں، ہمارے پلیئرز کو انٹرنیشنل کھلاڑیوں سے سیکھنے کو ملتا ہے۔ سیکھنے کا عمل زندگی بھر جاری رہتا ہے، ہمارا وقت مختلف تھا اس دور کی کرکٹ الگ ہے، ہمیں ایسے کھلاڑی چاہیے جو جدید کرکٹ کھیل سکیں۔ بابر اعظم اس وقت دنیا کا بہترین کھلاڑی ہے، جو دنیا کی کسی بھی ٹیم سے آئوٹ نہیں ہو رہا ہے۔ پی ایس ایل دیکھ کر ایسا لگتا ہے کہ ہمارے وقت میں بھی لیگ ہونی چاہیے تھی۔ کوشش کروں گا کہ یہ جتنے بھی نوجوان لڑکے مل رہے ہیں ان کے ساتھ کام کروں، میں خود بھی ان نوجوانوں کیساتھ کام کرکے انجوائے کر رہا ہوں۔ 6 چھکے کسی کو بھی لگ جاتے ہیں۔ جب کبھی آفر آئیگی سلیکشن کی تو دیکھیں گے فی الحال نئی سلیکشن کمیٹی کو شکریہ کہوں گا۔