موڑکھنڈا میں دیرینہ دشمنی پر فائرنگ‘2سگے بھائی قتل ‘خاتون سمیت دوزخمی

موڑکھنڈا (نامہ نگار) گھر میں داخل ہو کر نامعلوم افراد کی فائرنگ سے2 سگے بھائی قتل اورخاتون سمیت دو افراد شدید زخمی ہوگئے۔ گزشتہ روز موڑ کھنڈا ہیڈ بلوکی روڈ ڈھڈیاں گاؤں میں صلابت بھٹی کے گھر میں گھس کر نامعلوم افراد نے اندھا دھند فائرنگ کر دی جس کے نتیجہ میں گھر میں موجود 2 افراد جاں بحق جبکہ خاتون سمیت 2 افراد شدید زخمی ہوگئے ، زخمیوں کو ہسپتال منتقل کر دیا  گیا۔فائرنگ کے نتیجہ جاں بحق ہونے والوں کی شناخت 65 سالہ اکبر اور 52 سالہ صلابت کے نام سے ہوئی جو کہ سگے بھائی بتاے جاتے ہیں۔جبکہ زخمیوں میں 25 سالہ بابر اور 45 سالہ زبیدہ شامل ہیں۔‘ اس خاندان کے نصف درجن کے قریب افراد قبل ازیں دشمنی کی بھینٹ چڑھ چکے ہیں اور متعدد افراد جیل کی سلاخوں کے پیچھے ہیں۔