لاہور(سپورٹس رپورٹر)پریذیڈنٹ ٹرافی گریڈ ون کرکٹ ٹورنامنٹ کے فائنل میں ایس این جی پی ایل کے 7وکٹوں پر 479رنز کے جواب میں واپڈا کی ٹیم 140رنز پر ڈھیر ہوگئی ۔ راولپنڈی میں کھیلے جارہے میچ میں  واپڈا کی ٹیم کا پانچ روزہ میچ کے دوسرے دن ٹاپ آرڈرناکام رہا ۔محمد سلیم چھ ‘محمد اخلاق آٹھ عمر کیانی ایک رن بناکر چلتے بنے ۔ عمر اکمل اٹھائیس ‘کپتان افتخار احمد بائون ‘محمد سعد بیس ‘ایاز تصور صفر ‘آصف آفریدی سولہ ‘علی شفیق صفر ‘عرفان اللہ شاہ صفر پر آئوٹ ہوئے ۔ شاہ نواز دھانی نے سات کھلاڑی آئوٹ کئے ۔ سوئی ناردرن گیس پائپ لائنز لمیٹڈ نے دوسری اننگز میں پانچ وکٹوں پر 121رنز بناکر مجموعی طور پر 460رنز کی برتری حاصل کرلی جبکہ چھ وکٹیں باقی ہیں ۔ سعود شکیل اٹھارہ اور مبصر خان بارہ رنز بناکر کھیل رہے ہیں ۔