حافظ آباد(نمائندہ نوائے وقت) سینکڑوں ورکروں نے پی ٹی آئی کی حمایت یافتہ امیدوار اور سابق ایم این اے مہدی حسن بھٹی کی بیٹی انیقہ مہدی کی حلقہ این اے67میں جیت کی خوشی میں جشن منایا۔ اور ڈھول کی تھاپ پر بھنگڑے ڈالے جبکہ الیکشن سے قبل ن لیگ کو چھوڑ کر مہدی بھٹی گروپ میں شامل ہونے والے سابق ناظم امجد پرویز چٹھہ کے ڈیرہ میں آتشبازی کا مظاہرہ کیا گیا ۔اور کارکنوں میں جیت کی خوشی میں مٹھائی بھی تقسیم کی گئی۔ امجد چٹھہ کا کہنا تھا  ن لیگ کے اوچھے ہتھکنڈوں کے باوجود انیقہ مہدی کی جیت ن لیگ کے منہ پر ایک طمانچہ ہے۔ن لیگ کی امیدوار سائرہ افضل تارڑ کی شکست دراصل غرور وتکبر کی شکست ہے۔