شیخوپورہ (نمائندہ خصوصی) مسلم لیگ فنگشنل کے مرکزی نائب صدر چوہدری بدرالزمان ورک آف کلہ نے کہا ہے کہ حالیہ انتخابات میں عوام کی سکیورٹی کو بہتر بنانے امن و امان قائم رکھنے میں پاک فوج کے سپہ سالار جنرل عاصم منیر کا کردار لائق تحسین ہے پاک فوج نے ہمیشہ مشکل کی ہر گھڑی میں ملک و قوم کی مدد کی ہے فوج پر تنقید کرنے والے محب وطن نہیں ہے صحافیوں سے گفتگو کرتے چوہدری بدرالزمان ورک آف کلہ نے کہا کہ پاک فوج کے سپہ سالار جنرل عاصم منیر نے ملک کی معاشی صورتحا ل کو بہتر بنانے کیلئے جو کردار ادا کیا ہے وہ قابل تحسین ہے ۔ آئندہ چند سال میں پاکستان معاشی طور پر مضبوط ملک بن جائیگا دہشت گردی او ر شرپسند عناصر کی سر کوبی میں پاک فو ج نے ہمیشہ ہر اول دستے کا کردار ادا کیا ہے ۔