پھولنگر ( این این آئی)تحصیل پتوکی میں مسلم لیگ (ن) نے کلین سویپ کرتے ہوئے تمام چاروں نشستیں جیت لیں، امیدواروں کی جیت پر تحصیل بھر کے شہروں کے ساتھ ساتھ دیہاتوں میں بھی حامی اور کارکنان ڈھول کی تھاپ پر جشن منا رہے ہیں۔دلچسپ مقابلہ پی پی 182میں ہوا جہاں محمود انور چوہدری نے میدان مار لیا ۔حلقہ این اے 134میں مسلم لیگ (ن) کے امیدوار رانا محمد حیات خان نے 1لاکھ 41ہزار 8سو 41ووٹ لیکر 66ہزار ووٹوں سے پی ٹی آئی کی نامزد امیدوار سدرہ فیصل کو شکست دی، اسی طرح پی پی 182پتوکی میں دلچسپ مقابلہ دیکھنے کو ملا جہاں مسلم لیگ (ن) کے محمود انور چوہدری نے 32ہزار 3سو 26ووٹ حاصل کرکے 9سو ووٹوں سے پی ٹی آئی کے عقیل اسلم آرائیں کو شکست دی، جس پر مدمقابل امیدوار چوہدری عقیل اسلم نے نتائج کو مسترد کرتے ہوئے دوبارہ گنتی کا مطالبہ کر دیا، اسی طرح پی پی 183 سرائے مغل میں مسلم لیگ (ن) کے نوجوان رانا سکندر حیات خان نے 51ہزار 4سو 22 ووٹ حاصل کرکے آزاد امیدوار سابق صوبائی وزیر سردار محمد آصف نکئی کو 12ہزار ووٹوں سے شکست دی۔