ایک مرتبہ پھر پیپلز پارٹی کو سندھ، بلوچستان ، ملک بھر سے اہم نشستیں مل گئی :اشرف بھٹی

لاہور(نامہ نگار)پیپلز پارٹی لاہور کے سینئر نائب صدر محمداشرف بھٹی نے کہا ہے کہ ایک مرتبہ پھر پیپلز پارٹی کو سندھ، بلوچستان اور ملک بھر سے اہم نشستیں مل گئی ہیں یہ بلاول بھٹو کی کامیاب سیاسی حکمت عملی کا نتیجہ ہے کہ پیپلز پارٹی ایک بار پھر ایک بڑی پارٹی بن کر سامنے آئی ہے۔ تمام تر دھونس اور دھاندلی کے باوجود پیپلز پارٹی کا جیت جانا ایک بڑی کامیابی ہے۔ملکی ترقی اسی میں ہے کہ پیپلز پارٹی جیسی عوامی جماعت کو حکومت میں لایا جائے۔