اسلام آباد (نوائے وقت نیوز) الیکشن کمشن نے پارٹی انتخابات نہ کرانے والی جماعتوں کی فہرست جاری کردی۔ الیکشن کمشن کے مطابق رجسٹرڈ 216 جماعتوں میں سے 114 جماعتوں نے پارٹی انتخابات نہیں کرائے۔ پیپلزپارٹی، تحریک انصاف، ق لیگ انتخاب نہ کرانے والی جماعتوں میں شامل ہیں۔ طاہر القادری کی پاکستان عوامی تحریک نے بھی پارٹی انتخابات نہیں کرائے۔ فنکشنل لیگ، جمہوری وطن پارٹی، متحدہ مجلس عمل کے پارٹی انتخابات بھی نہیں ہوئے۔ پی پی نے 2006ءمیں آخری انتخابات کرائے تھے۔ پارٹی آئین کے تحت 2 سال بعد پیپلزپارٹی کے انتخابات ہونے تھے۔