لاہور + کراچی (نیوز رپورٹر + نوائے وقت رپورٹ) لاہور اور کراچی میں گذشتہ روز چپ تعزیے کے جلوس نکالے گئے، جو اپنے روایتی راستوں سے ہوتے ہوئے حسینیہ ایرانیاں کھارادر اور کربلا گامے شاہ پہنچ کر اختتام پذیر ہوئے۔ کراچی میں چپ تعزیہ کا مرکزی جلوس نشتر پارک سے برآمد ہوا اور حسینیاں ایرانیاں کھارادر پر پہنچا۔ اس موقع پر سکیورٹی کے بھی خصوصی انتظامات کئے گئے تھے۔ دریں اثناء لاہور کے علاقے کرشن نگر، پانڈو سٹریٹ سے بھی تعزیے کا جلوس نکالا گیا۔