ڈہرکی (صباح نیوز) ڈہرکی سٹیشن پر لاہور سے کراچی جانے والی مال گاڑی کی 5 بوگیاں پٹڑی سے اتر گئیں، حادثہ ٹریک کی خستہ حالی کے باعث پیش آیا، حادثے کے بعد کراچی جانے والی ٹرینوں کی آمدورفت کا سلسلہ کئی گھنٹے معطل رہا۔ حادثے کی اطلاع ملتے ہی امدادی ٹیمیں موقع پر پہنچ گئیں۔ ذرائع کا کہنا ہے کہ ریسکیو کیلئے مناسب آلات اور مشینری نہ ہونے کی وجہ سے امدادی کارروائیوں میں مشکلات کا سامنا کرنا پڑا۔