لاہور ( سپورٹس رپورٹر ) پاکستان باسکٹ بال فیڈریشن اور سپورٹس بورڈ پنجاب کے اشتراک سے نیشنل باسکٹ بال چیمپئن شپ آج سے نشتر سپورٹس کمپلیکس کے جیمنزیم ہال میں شروع ہو گی۔ آرمی ٹیم اپنے اعزاز کا دفاع کرے گی۔ فلڈ لائیٹس میں کھیلی جانے والی پانچ روزہ چیمپئن شپ میں ٹاپ 8 ٹیمیں حصہ لے رہی ہیں۔ افتتاحی میچ ریلویز اور لاہور ڈویژن کی ٹیموں کے درمیان میچ کھیلا جائیگا جبکہ پہلے روز مزید تین میچ بھی کھیلے جائیں گے۔ چیمپئن شپ میں شریک ٹیموں کو دو گروپس میں تقسیم کیا گیا ہے۔