بھارت کیخلاف ایک اننگز میں دس وکٹیں لینے والے اعجاز پٹیل پلیئر آف دی منتھ قرار 

لاہور ( سپورٹس رپورٹر) انٹرنیشنل کرکٹ کونسل نے ماہ دسمبر کے لیے پلیئر آف دی منتھ کا اعلان کر دیا۔بھارت کیخلاف دسمبر 2021 میں ہونے والے ٹیسٹ میچ کی ایک اننگز میں تمام 10 وکٹیں لینے والے نیوزی لینڈ کے آف سپنر اعجاز پٹیل نے ایوراڈ جیت لیا۔اعجاز پٹیل ایک اننگز میں دس وکٹیں حاصل کرنے والے دنیا کے تیسرے بولر قرار پائے تھے۔پٹیل ممبئی ٹیسٹ میں بھارت کے دس کھلاڑیوں کو آئوٹ کرنے میں کامیاب ہوئے۔آئی سی سی کے پلیئر آف دی منتھ کے لیے نامزد کھلاڑیوں میں بھارت کے ماینگ اگروال اور آسٹریلیا کے فاسٹ بائولر مچل سٹارک شامل تھے۔