لاہور کالج فار ویمن یونیورسٹی میں  شعبہ فزکس کے زیر اہتمام سیمینار 

لاہور (لیڈی رپورٹر)لاہور کالج فار ویمن یونیورسٹی میں شعبہ فزکس کے زیر اہتمام کائنات کی پر اسراریت پر سیمینار کا انعقاد کیا گیا۔سیمینار کی صدارت پروفیسر ڈاکٹر بشریٰ مرزا نے کی سیمنار میں ممتاز ماہر فلکیات پروفیسر ڈاکٹر سہیل زبیری ٹیکسز اے اینڈ ایم یونیورسٹی، عالمی شہرت یافتہ کوانٹم طبیعیات دان نے بطور مہمان سپیکر شرکت کی۔پروفیسر ڈاکٹر سہیل زبیری نے گزشتہ صدی میں طبیعیات میں ہونے والی پیش رفت کے بارے میں اپنا نقطہ نظر پیش کیا اور بتایا کہ کس طرح ان پیشرفتوں نے سائنس دانوں کو کائنات کے اسرار و رموز سے پردہ اٹھانے میں مدد فراہم کی۔