جمبر : ریسکیو 1122 ‘ موٹروے پولیس  کی فوگ کے حوالے سے آگاہی واک

جمبر (نامہ نگار) ریسکیو 1122 تحصیل پتوکی اور موٹروے پولیس بیٹ 13 جمبر کی جانب سے فوگ کے حوالے سے’’مشترکہ آگاہی واک‘‘ کا اہتمام کیا گیا ۔ واک میں ریسیکو اینڈ سیفٹی افسر تحصیل پتوکی میڈم رابعہ خلیل ، ریسکیو کمیونٹی انسٹرکٹر وقاص بلال سمیت موٹروے پولیس جمبر بیٹ 13کی جانب سے سی پی او ریاض ڈوگر کے علاوہ ریسکیو1122 اور موٹروے پولیس کے اہلکاروں نے کثیر تعداد نے شرکت کی۔ریسکیو اینڈ سیفٹی افسر رابعہ خلیل کا کہنا تھا کہ واک کا مقصد شہریوں کو شدید دھند کے موسم میں دوران ڈرائیونگ احتیاطی تدابیر دینا ہے تاکہ شہری احتیاطی تدابیر پر عمل کرتے ہوئے اپنے سفر کو محفوظ بنا سکیں۔