حیدر آباد ( نامہ نگار) پاکستان اسکول اسپورٹس اولمپک کے زیر اہتمام پی ایس ایس او آل سندھ کلر کٹ ٹی20کرکٹ ٹورنامنٹ میں دو میچوں کا فیصلہ ہو گیا ،نیاز اسٹیڈیم حیدرآباد پر کھیلے گئے میچوں میں پرنس ماتلی کرکٹ کلب نے مرزا قمبر سی سی کو 26رنز سے اور ایمز سی سی نے اسٹوڈنٹ جیمخانہ کوسات وکٹوںسے شکست دے دی ۔پہلے میچ میں پرنس ماتلی سی سی نے پہلے کھیلتے ہوئے 7 وکٹوں پر169رنز اسکور کئے ۔رحیم اللہ نظامانی نے 62گیندوں پر سات چوکوں اور چار چھکوں کی مدد سے 84اور زین العابدین نے پانچ چوکوں اور ایک چھکے کی مدد سے 34رنز بنائے ۔مرزاقمبر سی سی کے شاکر حسین نے30رنز کے عوض چار وکٹ لئے۔جواب میں مرزا قمبر سی سی 143رنز بنا سکی ۔ شان علی شاہ نے دو چوکوں اور چار چھکوں کی مدد سے 39اور آلیان نے تین چوکوں اور ایک چھکے کی مدد سے 38رنز اسکور کئے ۔فاتح ٹیم کی جانب سے زیشان علی شاہ نے چار جبکہ کامران نظامانی اور شہریار بلوچ نے دو دو وکٹیں حاصل کیں ۔دوسرے میچ میں اسٹوڈنٹ جیمخانہ نے پہلے کھیل کر 128رنز اسکور کئے۔سعید اللہ خان نے43اور یحیٰ شاہ نے 33رنز بنائے ۔ایمز سی سی کی جانب سے مرتضیٰ نے تین ،بابر آرائیں نے دو جبکہ اویس اور سلیم چانگ نے ایک ایک وکٹ حاصل کی ۔جواب میں فاتح ٹیم نے ابتسام شیخ کے 38گیندوں پر آٹھ چوکوں اور چار چھکوں کی مدد سے بنائے گئے ناقابل شکست 69رنز کی بدولت با آسانی کامیابی سمیٹ لی ۔فراز 27رنز کے ساتھ ناٹ آﺅٹ رہے ۔