کراچی ( اسٹاف رپورٹر )اعلیٰ ثانوی تعلیمی بورڈ کراچی سے الحاق شدہ سرکاری و نجی کالجز اور ہائر سیکنڈری اسکولز کو مطلع کیا جاتا ہے کہ سندھ ٹیکسٹ 
بک بورڈ کی جانب سے گیارہویں جماعت کے طلباءکے لئے ریاضی، کیمسٹری، انگریزی اور بائیولوجی کی نئی کتابوں کی اشاعت کردی گئی ہے۔ اس ضمن میں اعلیٰ ثانوی تعلیمی بورڈ کراچی کے سالانہ امتحانات برائے 2023ءکا انعقاد نئی طبع شدہ کتابوں سے لیا جائے گا۔ لہٰذا تمام کالجز اور ہائر سیکنڈری اسکولوں کو تجویز دی جاتی ہے کہ وہ طلباءو طالبات کو نئی اشاعت شدہ کتابیں پڑھائیں۔