شدید سردی، نمونیا، پنجاب میں چھوٹی کلاسز کی چھٹیوں میں 19 جنوری تک توسیع 

لاہور (نوائے وقت رپورٹ) شدید سردی کے باعث بچوں میں نمونیہ پھیلنے کی وجہ سے پنجاب بھر کے سرکاری اور نجی سکولوں میں پلے گروپ، نرسری اور پریپ کلاسز کی چھٹیوں میں 19 جنوری تک توسیع کر دی گئی۔ محکمہ سکول ایجوکیشن پنجاب کی جانب سے چھٹیوں میں توسیع کا نوٹی فکیشن جاری کر دیا گیا۔ نوٹی فکیشن کے مطابق پنجاب بھر کے سرکاری اور نجی سکولوں میں پلے گروپ، نرسری اور پریپ کلاسز کی چھٹیوں میں 19 جنوری تک توسیع کر دی گئی ہے۔ سکولوں میں بڑی کلاسز کے طلبہ کے لیے ماسک پہننا ضروری قرار دے دیا گیا ہے۔