امریکا کی مشرقی ریاستیں شدید بارشوں اور برفانی طوفان کی زد میں آگئیں، جس کے سبب 5 افراد ہلاک اور متعدد زخمی ہوگئے۔ بین الاقوامی خبر رساں ادارے کی رپورٹ کے مطابق نیویارک سمیت 12 ریاستوں میں 4 لاکھ سے زائد مکانات اور کاروباری مراکز بجلی سے محروم ہوچکے ہیں۔ امریکی میڈیا کا اس حوالے سے کہنا ہے کہ شدید بارشوں کی وجہ سے ساڑھے تیرہ ہزار پروازیں منسوخ اور ساڑھے آٹھ سو سے زائد تاخیر کا شکار ہیں۔ نیو جرسی اور کنکٹی کٹ میں دریاؤں میں پانی کی سطح بلند ہوگئی ہے اور ڈیم کو نقصان پہنچنے سے شہری گھر چھوڑنے پر مجبور ہوچکے ہیں۔