واشنگٹن(آئی این پی)امریکی صدر ڈونلڈ ٹرمپ نے کہا ہے کہ نیٹو سمٹ میں شرکت سے آسان پیوٹن سے ملاقات کرنا ہے، نیٹو سمٹ میں انہیں پیوٹن سے ملاقات کے مقابلے میں بظاہر کہیں زیادہ سیاسی مشکلات کا سامنا کرنا پڑ سکتا ہے۔ بین الاقوامی میڈیا کے مطابق صدر ڈونلڈ ٹرمپ نے نیٹو کے رکن امریکی اتحادی ممالک کے رہنماؤں کے ساتھ اپنی آئندہ سمٹ کے بارے میں کہا ہے کہ ان کی روسی صدر پیوٹن سے ملاقات ممکنہ طور پر زیادہ آسان ہو گی۔ ٹرمپ نے یہ بات اس تناظر میں کہی کہ نیٹو سمٹ میں انہیں پیوٹن سے ملاقات کے مقابلے میں بظاہر کہیں زیادہ سیاسی مشکلات کا سامنا کرنا ہو گا۔ امریکی صدر آج برسلز میں نیٹو کی ایک سمٹ میں حصہ لیں گے جس کے بعد جمعے کو وہ برطانیہ کے دورے پر لندن پہنچیں گے۔