کراچی(صباح نیوز) لائٹ ہائوس پر لنڈابازار میں آگ لگ گئی، 8دکانیں اور 4موٹر سائیکلیں جل گئیں، کوئی جانی نقصان نہیں ہوا ۔تفصیلات کے مطابق کراچی میں ایم اے جناح روڈ پر لائٹ ہا ئوس کے علاقے میں واقع لنڈا بازار کی دکانوں میں آگ لگ گئی ،آگ لگنے کی اطلاع ملتے ہی فائر بریگیڈ کا عملہ فوری طور پر آگ بجھانے کے لیے پہنچ گیا۔ ریسکیو ذرائع کے مطابق لائٹ ہائوس کی لنڈا کی دکانوں میں لگی آگ فائر بریگیڈ کی دو گاڑیوں نے کافی جدوجہد کے بعد بجھا دی۔فائر بریگیڈ حکام کے مطابق آگ کی وجہ سے 8دکانیں اور 4موٹر سائیکلیں جل گئیں، آگ سے کوئی جانی نقصان نہیں ہوا ۔فوری طور پر آگ لگنے کی وجوہات سامنے نہیں آسکیں۔