شندور پولو فیسٹیول: چترال نے گلگت بلتستان کو 6-5 سے ہرا کر فائنل جیت لیا

ؓٓاسلام آباد(سپورٹس رپورٹر)ٹورازم کارپوریشن خیبرپختونخوا کے زیراہتمام شندور میں منعقد ہونے والا شندور پولو فیسٹیول چترال کی ٹیم نے جیت لیا۔ فائنل میچ میں چترا ل کی ٹیم نیایک سنسنی خیز مقابلے کے نبعد گلگت بلتستان کو 5گول کے مقابلے میں 6گولز سے شکست دی۔ اختتامی تقریب کے مہما ن خصوصی کور کمانڈر پشاور لیفٹیننٹ جنرل شاہین مظہر محمودتھے ۔ اس موقع پرسینئر وزیر سیاحت عاطف خان اور دیگر اہم شخصیات موجود تھیں۔ ٹورازم کارپوریشن خیبرپختونخواکے زیراہتمام ،فرنٹیر کور اور ضلعی انتظامیہ کے باہمی تعاون سے 7 جولائی سے چترال کے علاقے شندور میں شروع ہونے والے اس تاریخی شندور پولو فیسٹیول کا فائنل بدھ کو کھیلا گیا جس چترال کی ٹیم نے گلگت کو 5گول کے مقابلے میں 6گول سے شکست دی۔وقفہ تک چترال کو 5-2کی برتری حاصل تھی ۔ چترال ٹیم کے شادی خان نیشاندار کھیل کا مظاہرہ کرتے ہوئے 3گول سکور کئے اور میچ کے بہترین کھلاڑی قرار پائے ۔ تقریب سے خطاب کرتے ہوئے سینئر صوبائی وزیر کھیل و سیاحت کا کہنا تھا کہ وفاقی اور صوبائی حکومت سیاحت کے فروغ کیلئے اہم اقدامات اٹھائے ہیںجو کہ ماضی میں اس سیکٹر کی جانب توجہ نہیں دی گئی۔ خیبرپختونخوا حکومت نے فیڈرل گورنمنٹ کے تعاون سے سیاحت کے فروغ کیلئے 5.5 بلین روپے رکھے ہیں جس سے خیبرپختونخوا میں مختلف سطح پر سیاحتی مقامات کو فروغ دینے کیلئے عملی اقدامات اٹھائے ہیں اور صرف عید کے دنوں میں 20 لاکھ سے زائد سیاحوں نے خیبرپختونخوا کے سیاحتی مقامات کا رخ کیا۔ سیاحت کے فروغ کیلئے اقدامات میں شندور پولو فیسٹیول سرفہرست ہے کیونکہ یہ دنیا کے بلند ترین مقام پر کھیلا جاتا ہے ۔ میچ سے قبل روایتی چترال اور گلگت بلتستان کا رقص ، کیلاشی ڈانس، پیراگلائیڈنگ اور پیراٹروپر فارمنس نے میلہ لوٹ لیا۔اس سے قبل آتش بازی کا شاندار مظاہرہ بھی پیش کیا گیا۔ یاد رہے کہ شندور پولو فیسٹیول 1936 سے باقاعدگی کے ساتھ منعقد کیا جا رہا ہے ۔