بھارت کو شکست‘ ’’آپ کی بہن کشمیر بھی آزاد کرائے گی‘‘ وزیراعظم نیوزی لینڈ کی تصویر پر تبصرے

نئی دہلی (نوائے وقت رپورٹ) بھارت کی شکست کے بعد سوشل میڈیا پر دلچسپ تبصرے‘ تصاویر دیکھنے کو ملیں۔ ایک تصویر میں نیوزی لینڈ کی وزیراعظم جیسنڈا آرڈرن کی تصویر پرکپشن دیا گیا ہے کہ آپ کی بہن کشمیر بھی آزاد کرائے گی۔ کیوی کپتان ولیم سن اور سرفراز کی تصویر شیئر کی گئی ہے۔ ولیم سن نے تسلی دیتے ہوئے سرفراز کو کہا ہے کہ تیرا بھائی تیرے ایک ایک آنسو کا بدلہ لے گا۔ ایک مداح نے اپنے منہ پر طمانچے مارے اور سر پیٹنے لگا۔ من چلے نے تبصرہ کیا کہ جنگ پسند بھارتی اینکر ارنب گوسوامی کو اپنا جانشین مل گیا۔ ایک مداح نے دھونی کو ریٹائر ہونے کا مشورہ دیدیا۔ دھونی اور بھارتی پائلٹ ابھی نندن کی تصویر شیئر کر کے تبصرہ کیا کہ دو بھارتی جولائن کراس کرنے میں ناکام رہے۔