ملتان (سپیشل رپورٹر)سرائیکستان قومی کونسل کلچرل ونگ کا اجلاس سنگر ثوبیہ ملک کی صدارت میں ہوا۔ اجلاس میں روبینہ بخاری ، حاجی عید احمد دھریجہ ، ظفر مسکین ، جاوید شانی اور ملک اکمل سندھڑ نے شرکت کی۔ اجلاس میں مطالبہ کیا گیا کہ حکومت کی طرف سے فنکاروں کیلئے کورونا لاک ڈاون امدادی فنڈ کی فراہمی فوری شروع کی جائے۔ کہا گیا تھا کہ عید الفطر سے قبل فنڈ جاری کر دیا جائے گا مگر بقر عید آنے والی ہے ابھی تک فنڈ کا اجراء نہیں ہو سکا ،جس سے فنکاروں کے چولہے ٹھنڈے ہو چکے ہیں۔ اجلاس میں بہاولپور آرٹس کونسل کے ڈائریکٹر رانا اعجاز محمود کی وفات پر اظہارِ تعزیت کرتے ہوئے مرحوم کی مغفرت کیلئے دعا کی گئی۔