مری(نامہ نگار خصوصی) آزادکشمیر کے سابق صدر ،سابق وزیرا عظم مجاہد اول وسابق صدرآل جموں وکشمیر مسلم کانفرنس سردار عبدالقیوم کی 5 برسی کی مختصر تقریب مال روڈ پر مسلم کانفرنس ضلع کے رہنماء سردار ساجد قریشی کی صدارت میں منعقد ہوئی ۔ایسے میںمسلم کانفرنس کی اعلیٰ قیادت کے مطابق پاکستان اور آزادکشمیر میں تمام عہدیداروں اور کارکنوں کوپر اپنے اپنے علاقوں میں سماجی فاصلوں اور ایس او پیز کے مطابق مختصر تقریابات منعقد کی گئیں۔تقریب مجاہداول سردار عبدالقیوم خان کی تحریک آزادی کشمیر کوزندہ رکھنے کیلئے بے مثال کردار اداکرنے اور لازوال قربانیوں کو شاندار الفاظ میں خراج عقیدت پیش کیاگیا۔ برسی کی تقریب میں مسلم کانفرنس تحصیل مری کے صدر منور امین عباسی،جنرل سیکرٹری قاسم محمود عباسی،زبیر عباسی،تسلیم عباسی،راجہ عارف اور دیگر عہدیدارں اور کارکنوں نے شرکت کی ،تقریب کے اختتام پر سابق صدر ووزیر اعظم آذادکشمیر مجاہد اول سردار عبدالقیوم خان کی مغفرت،درجات کی بلندی اور کشمیر کی جلد آذادی کیلئے خصوصی دعابھی کی گئی ۔