ویسٹ انڈیز خواتین  نے پاکستان کو  دوسرے ٹی ٹوینٹی میں شکست دے دی 

کراچی (اسپورٹس رپورٹر )ویسٹ انڈیز خواتین کی ٹیم نے دوسرے ون ڈے انٹرنیشنل میچ میں پاکستانی خواتین ٹیم کو8 وکٹوں سے شکست دیکر پانچ میچوں کی سیریز میں 0-2 کی برتری حاصل کر لی،ہیلی میتھیوز کو شاندار آل رائونڈ کارکردگی کا مظاہرہ کرنے پر پلیئر آف دی میچ قرار دیا گیا، دونوں ٹیموں کے درمیان تیسرا ون ڈے میچ (کل) پیر کوکھیلا جائیگا ۔تفصیلات کے مطابق کالج گرائونڈ، اینٹیگوا میں کھیلے گئے میچ میں پاکستان ویمن پہلے بیٹنگ کرتے ہوئے 42.4اوورز میں 120 رنز بنا کر آئوٹ ہو گئی۔ منیبہ علی 37 ، عالیہ ریاض 26 اور ندا ڈار 20 رنز بنا کر نمایاں رہیں،انیسہ محمد نے 4 وکٹیں حاصل کیں۔ ہیلی میتھیو اور کرشمہ رام ہراک نے دو، دو کھلاڑیوں کو آئوٹ کیا۔ جواب میں ویسٹ انڈیز خواتین نے ہدف 31.1 اوورز میں 2 وکٹوں کے نقصان پر حاصل کر لیا۔ ہیلی میتھیو نے 49 اور کیشونہ نائٹ نے 39 رنز کی اننگز کھیلی،اس فتح کے بعد ویسٹ انڈیز نے سیریز میں 0-2 کی سبقت حاصل کر لی ہے۔دونوں ٹیموں کے درمیان تیسرا ون ڈے پیر کو سر ویون رچرڈ سٹیڈیم، میں کھیلا جائے گا۔