لاہور(سپورٹس رپورٹر)پی ایچ ایف 4 ٹیمز ہاکی سیریز کا شاندار افتتاح، 1984 ء لاس اینجلس اولمپکس کے فاتح کپتان لیجنڈ اولمپین منظور  افتتاحی میچ کے مہمان خصوصی تھے۔ افتتاحی میچ میں پاکستان جونیئرز نے سوئی سدرن گیس کو 0-3 گول سے شکست دیدی، دوسرے میچ میں واپڈا نے نیوی کو1-3 گول سے شکست دیدی۔ دوسرے میچ کے مہمان خصوصی ہیڈ کوچ قومی ہاکی ٹیم1994 ورلڈ کپ گولڈ میڈلسٹ اولمپین خواجہ جنید تھے۔ معزز مہمان خصوصی کا سٹیڈیم آمد پر شایان شان استقبال کیا گیا اور انکو کھلاڑیوں اور آفیشلز سے متعارف کرایا گیا۔آج  دو میچز کھیلے جائینگے۔ پہلا میچ واپڈا اور سوئی سدرن گیس اور دوسرا پاکستان جونیئر اور نیوی کے مابین کھیلا جائیگا۔