ٹھاروشاہ (نامہ نگار) صفائی نصف ایمان ہے شہر میں صفائی کی صورتحال بہتر ہے فرض میں کوتاہی کرنے والے کو کسی صورت معاف نہیں کروں گا شہریوں کو صفائی کی سہولیات میسر کررہے ہیں ان خیالات کا اظہار ٹائون کمیٹی آفیسر سکندر علی بجارانی نے نیشنل پریس کلب کے سینئر صحافی سید اسد اللہ شاہ بخاری کی ساس  اور سید اقبال شاہ بخاری کی بیوی کی وفات پر تعزیت کرنے کے بعد صحافیوں سے گفتگو کرتے ہوئے کیا اس موقع پر مرحومہ کے لئے دعائے مغفرت اور لواحقین کو صبر جمیل کی دعا کی جبکہ ٹائون آفیسر سکندر علی بجارانی نے کہا کہ ٹھاروشاہ شہر کی آبادی پہلے سے چار گناہ بڑھ چکی ہے اور صفائی کی صورتحال میں صفائی عملہ کم ہونے کی وجہ سے سخت پریشانی کا سامنا ہے بھرپور جدوجہد کے بعد اس وقت شہر میں صفائی کی صورتحال بہتر ہے جبکہ صفائی پر تعینات عملے کی لاپرواہی کسی صورت قبول نہیں کی جائے سخت کاروائی کی جائے گی۔ اس موقع پر ٹائون آفیسر نے صفائی کے معاملے پر شہریوں سے تعاون کرنے کی خصوصی اپیل بھی کی ۔