ملتان (سپیشل رپورٹر) ایس ایس پی آپریشنز ملتان شائستہ ندیم  نے پولیس خدمت مرکز، پولیس سروس کائونٹر 15 اور پکار سنٹر کا دورہ کیا۔  انچارج خدمت مرکز سب انسپکٹر اللہ دتہ، انچارج پولیس سروس کاؤنٹر اور انچارج پکار سنٹر بھی اس موقع پر وہاں موجود تھے  ایس ایس پی آپریشنز ملتان نے پولیس خدمت مرکز میں عوام کو دی جانے والی سہولیات کو چیک کیا  ، شہریوں کی جانب سے خدمت مرکز میں سروس ڈیلیوری کے حوالے سے اطمینان کا اظہار کیا گیا  ایس ایس پی آپریشنز ملتان نے خدمت مرکز میں تعینات پولیس افسران کو ہدایت کی کہ آنے والے شہریوں کے ساتھ عزت سے پیش آئیں اور ان کے مسائل بروقت حل کریں انہوں نے پولیس سروس کائونٹر 15 پر موجود وائرلیس کنٹرول، ہیلپ لائن سروس ، موٹر وہیکل چیکنگ ، ہوٹل آئی سافٹ وئیر کی پرفارمنس کو چیک کیا۔